最新嘅科技資料、潮流玩意，都有《Z世代達人》麥卓華到處搜羅送到你面前！

今時今日手機已經可以做到好大部份以前只可以透過電腦先做到嘅嘢，但係喺屋企，始終都好似要有部電腦以備不時之需。你可能會發現，電腦通常都會越來越慢，而大部份人都會建議不如重裝過部機。不過如果你怕麻煩唔想重裝，又有無其他方法可以幫你部電腦吊命呢？

1)不要使用電腦的USB位叉電，停插不常用的裝置

好多時我地都會貪方便，用電腦嘅USB位幫自己部手機充電。但電腦因為舊咗，底板嘅零件同電容都有老化嘅情況，簡單咁講，同時喺USB拎太多電源，會導致整體嘅電力唔夠，部機就會因為咁而拖慢咗。

2)用純色Wallpaper

當你用相片做電腦Wallpaper，加上喺桌面開關不同視窗，都會用到處理器嘅資源。想部機行快啲，可以試下將Wallpaper設定為淨色。

3)停止使用 Dropbox / Google Drive 等網上空間的 Sync Folder功能

Dropbox 同 Google Drive呢類雲端空間提供左自動Sync Folder嘅功能，但係好多時因為部電腦要時時刻刻咁sync住，佔用咗處理器嘅資源，拖慢咗部機。既然部電腦都唔係成日用，今時今日光纖寬頻又咁快，不如停左個Sync Folder功能，要File嘅時候先Login入去Download，係無咁方便，但部機又真係會快咗架！

4)加插USB手指做Cache

今時今日嘅手指，存取速度好多時都快過硬碟。你可以去買隻8GB或者16GB、標榜快速嘅USB手指，插落電腦既USB Port，之後再將佢設定為「ReadyBoost」，無形中就好似加左Ram嘅效果，爽好多！

5)Defrag硬碟

如果試咗以上4招都係未如理想，你可以幫你部電腦做一次Defrag，簡單啲講，即係將你個硬碟重新整理一次。但呢個程序就要多啲時間去做，隨時要用幾個鐘甚至一日時間！

提提大家，老化左嘅電腦，用完之後最好都係熄機，一來可以減低長開對零件同電容嘅消耗；二來，電腦老化左，長開都會增加燒火牛甚至火警嘅風險！

《Z世代達人》
主持：麥卓華